Anadangəlmə ürək qüsuru ilə doğulan uşaqlar tibb müəssisələri tərəfindən Respublika Uşaq Klinik Xəstəxanasının uşaq kardioloji şöbəsinə yönləndirilməlidir.
Azadmedia.az xəbər verir ki, bu məlumatı Agentliyin İctimaiyyətlə əlaqələr şöbəsinin müdiri Leyla Lətifova media nümayəndələri üçün təşkil edilən tur zamanı bildirib.
Leyla xanım qeyd edib ki, şöbədə aparılan müayinələrdən sonra son diaqnoz qoyulur və əməliyyat üçün tibbi göstəriş olduğu təqdirdə Bona Dea Hospitalına göndəriş verilir.
Qeyd edək ki, anadangəlmə ürək qüsurlarının cərrahi əməliyyatla aradan qaldırılması həmçinin Agentliklə müqaviləsi olan digər özəl tibb müəssisələrində də icbari tibbi sığortanın Xidmətlər Zərfi hesabına göndəriş əsasında həyata keçirilir.