Donald Trump İran ərazisinə mümkün zərbələrin ciddi nəticələrə səbəb ola biləcəyini açıqlayıb.

ABŞ prezidenti bildirib ki, belə hücumlar nəticəsində “bütöv bir sivilizasiya məhv ola bilər” və bunun geri dönüşü mümkün olmayacaq.

Onun sözlərinə görə, bu ssenarinin baş verməsini istəməsə də, hadisələrin bu istiqamətdə inkişaf ehtimalı yüksəkdir.

Truth Social platformasında paylaşım edən Tramp əlavə edib ki, hazırda İranda hakimiyyətdə olan qüvvələr daha “ağıllı və az radikal” yanaşma sərgiləyir və gün ərzində müsbət dəyişikliklərin baş verəcəyinə ümid edir.

ABŞ prezidenti baş verənləri “dünya tarixinin ən mühüm və mürəkkəb anlarından biri” kimi qiymətləndirib.