Rusiyanın Amur vilayətinin Malaya Sazanka və Volkovo kəndlərində quduzluq halları aşkar edildikdən sonra karantin rejimi tətbiq olunub.

Amur vilayəti Baytarlıq İdarəsinin məlumatına görə, ilk yoluxma ocağı Malaya Sazanka kəndində qeydə alınıb. Burada həyətdə gəmiricilərə qarşı mübarizə aparılarkən bir uşaq tərəfindən tutulan siçovul qızcığı dişləyib. Sonradan aparılan müayinələr zamanı heyvanda quduzluq təsdiqlənib. Zərərçəkən uşağa profilaktik peyvənd kursu təyin edilib.

İkinci quduzluq ocağı isə Volkovo kəndində müəyyən edilib. Heyvanların mühafizəsi üzrə müfəttiş tərəfindən tapılan tülküdə də quduzluq virusu aşkarlanıb.

Hazırda hər iki yaşayış məntəqəsində dezinfeksiya tədbirləri həyata keçirilir, ev heyvanları isə növbədənkənar qaydada peyvənd olunur.

Qeyd edək ki, bundan əvvəl Rusiyanın Omsk vilayətində bir qadın öz ev itindən quduzluğa yoluxaraq həyatını itirmişdi. Məlumata görə, qadının iti küçə iti ilə dalaşdıqdan sonra virusa yoluxmuşdu.