İraqın xarici işlər naziri gələn ay ABŞ qüvvələrinin ölkədən çıxarılması ilə bağlı rəsmi açıqlama vermək üçün Vaşinqtona gedəcək.

Azadmedia.az xəbər verir ki, “Tasnim” xəbər agentliyi məlumatlı mənbələrə istinadən məlumat yayıb.

Belə ki, iraqlı nazir Vaşinqtonda ABŞ dövlət katibi ilə mətbuat konfransı keçirərək, ABŞ-ın rəhbərlik etdiyi beynəlxalq hərbi koalisiyanın fəaliyyətinin başa çatması ilə bağlı bəyanatı oxuyacaqlar.

Həmçinin mənbələr vurğulayıb ki, beynəlxalq hərbi koalisiya qüvvələrinin İraq Kürdüstanı istisna olmaqla, İraqdan çıxarılması 2025-ci ilin sentyabrında başlayacaq, 2026-cı ilin sentyabrında isə Kürdüstan bölgəsindən çıxması planlaşdırılır.