Türkiyədə “Prezidenti təhdid etmək” ittihamı ilə azadlıqdan məhrum edilmiş tanınmış jurnalist Fatih Altaylı azadlığa buraxılıb.

Bu barədə “Sözcü” qəzeti məlumat yayıb.

Məlumata görə, F. Altaylının vəkilləri Rezzan Aydınoğlu, Ömer Teker və Metin Arslan tərəfindən yerli məhkəmənin 4 il 2 aylıq həbs qərarından verilən apelyasiya şikayətinə Regional Məhkəmədə baxılıb. Məhkəmə jurnalistin azadlığa buraxılması barədə qərar çıxarıb.

Qeyd edək ki, Fatih Altaylı bu ilin 22 iyun tarixindən bəri həbsdə saxlanılırdı.