Benjamin Netanyahu ABŞ Prezidenti Donald Trump ilə vaxtaşırı fikir ayrılıqları yaşadıqlarını bildirib.

İsrailin baş naziri qeyd edib ki, bunun əsas səbəbi hər iki ölkənin öz milli maraqlarını rəhbər tutmasıdır.

"Bəli, vaxtaşırı fikir ayrılıqlarımız olub. O, ABŞ prezidentidir və ABŞ üçün faydalı olan qərarları verir. Mən isə İsrailin baş naziriyəm və İsrail üçün vacib və faydalı olanı edirəm", – deyə Netanyahu bildirib.

Onun sözlərinə görə, Vaşinqton və Təl-Əviv əksər məsələlərdə eyni mövqedən çıxış etsələr də, bu, bütün məsələlərə şamil olunmur. Buna baxmayaraq, iki ölkə müttəfiq olaraq qalır.

KİV-in məlumatına görə, son dövrlərdə İsrail White House tərəfindən əvvəlki kimi "xüsusi müttəfiq" kimi qiymətləndirilmir. Bildirilir ki, münasibətlərdəki dəyişiklik İsrailin ABŞ-ın Yaxın Şərq siyasətini tənqid etməsindən sonra baş verib.