Qərbi Balkanlarda NATO-nun ilk aviabazası Albaniyada fəaliyyətə başlayıb.

Azadmedia.az xəbər verir ki, hərbi baza Kuçova şəhərində yerləşir.

Belə ki, keçmiş SSRİ aviabazası təlim meydançası kimi fəaliyyət göstərəcək və eyni zamanda döyüş təyyarələri də yer alacaq.

Həmçinin Albaniyanın Baş naziri Edi Rama 2005-ci ildən istifadə edilməyən köhnə aerodromun modernləşdirilməsini alqışlayıb və bunu regionun təhlükəsizliyinə töhfə adlandırıb.

Bundan əlavə, Hərbi bazanın açılış mərasimindən sonra aviabazaya dörd döyüş təyyarəsi enib. Bu təyyarələrdən ikisi (F-16, F-35) İtaliyaya məxsus olub.

Agentliyin məlumatına görə, NATO bazanın yenilənməsinə təxminən 50 milyon avro sərmayə qoyub.