Avropa Birliyi diplomatiyasının rəhbəri Jozep Borrell İranın xarici işlər naziri Hüseyn Əmir Abdullahian ilə telefon danışığı aparıb.

Azadmedia.az xəbər verir ki, bu barədə Jozep Borrellin X hesabında bildirilib.

Belə ki, telefon danışığı zamanı Borrell İranın Rusiyaya raketlər göndərməsini, nüvə proqramının inkişaf etdirilməsi ilə bağlı fəaliyyətlərini tənqid edib, bunu bölgə və dünyada gərginliyin artmasına səbəblərdən biri hesab edib.

Bundan əlavə, o həmçinin İranın nüvə proqramı ilə bağlı öhdəliklərini yerinə yetirməsindən sonra rəsmi Tehrana qarşı sanksiyaların ləğvinin vacibliyini vurğulayıb.