Böyük səfərbərlik olmasa, Rusiya Ukraynada hər hansı genişmiqyaslı hücum əməliyyatı həyata keçirə bilməyəcək.

Azadmedia.az xəbər verir ki, bunu NATO-nun adı açıqlanmayan yüksək rütbəli nümayəndəsi Rusiyanın nəşrinə açıqlamasında deyib.

Belə ki, NATO nümayəndəsi hesab edir ki, Rusiya hərbçilərinin hələ də bunun üçün sursat və manevr bölmələri yoxdur.

Həmçinin “Onlar çox güman ki, Ukrayna Silahlı Qüvvələrini sıradan çıxarmağa yönəlmiş hücumları davam etdirəcəklər”.

Qeyd edək ki, NATO-nun kəşfiyyat məlumatlarına görə, Rusiya ordusunun yerli komandanlığı hələ də quruda mürəkkəb əməliyyatlar təşkil edə bilmir və artıq hərbçilərin əhval-ruhiyyəsini qoruyub saxlamaqda çətinlik çəkir.