Avropa Ukraynanı silahla dəstəkləməyə davam etməlidir.

Azadmedia.az-ın xəbərinə görə, bunu Ər-Riyadda Dünya İqtisadi Forumunun xüsusi sessiyasında çıxış edən Avropa İttifaqının Xarici siyasət və Təhlükəsizlik məsələləri üzrə Ali Nümayəndəsi Cozep Borrel bildirib.

Belə ki, Borrel deyib ki, avropalılar Donbas uğrunda ölməyə getməyəcək: “Ancaq biz ukraynalıların uzun müddət ərzində Donbas uğrunda ölməməsinə nail ola bilərik. Bunun üçün də müqavimət göstərdiyi müddətdə Ukraynanı dəstəkləməliyik. İnsanlar soruşurlar ki, nə zamana qədər Ukrayna üçün pul xərcləyəcəyik. Ancaq biz Ukraynanı dəstəkləməyə söz vermişik. Avropa İttifaqı nə qədər ehtiyac var, Kiyevə o qədər kömək etmək niyyətindədir”.