Bakıda avtomobil gənc qızı vuraraq öldürüb. Paytaxt sakini Ağaəli Fərəcovun idarə etdiyi "Porsche” markalı 99-BS-999 dövlət nömrə nişanlı avtomobil Gürcüstan vətəndaşı 24 yaşlı Xəyalə Məmmədovanı vurub.

Piyada hadisə yerində dünyasını dəyişib. Sürücü hadisə yerindən qaçsa da, polis əməkdaşları onu tuta bilib.

Faktla bağlı araşdırma aparılır.

"Qaynar"ın apardığı araşdırmalar zamanı məlum olub ki, 99-BS-999 nömrəli avtomobil sosial mediada kifayət qədər məşhurdur. "Instagram"da "alik_999" niki ilə qeydiyyatdan keçən maşının sahibi tanınmış iş adamı Füzuli Fərəcovun oğludur. O, kifayət qədər dəbdəbəli həyatı ilə diqqət çəkir. Ağaəli Fərəcov bahalı avtomobilinin və dəbdəbəli həyatının fotolarını öz hesabından mütəmadi olaraq paylaşaraq həyat tərzini nümayiş etdirməkdən çəkinmir.