Amerika aerokosmik şirkəti SpaceX göyərtəsində kommersiya missiyası ilə Crew Dragon kosmik gəmisinin buraxılışını bir gün əvvələ təxirə salıb. Bu barədə şirkətin mətbuat xidməti X sosial şəbəkəsində məlumat yayıb.

"Ax-3 missiyasının buraxılışı indi cümə axşamı, yanvarın 18-nə planlaşdırılır", - nəşr bildirib.

Qeyd edilir ki, buraxılış Axiom Space-in üçüncü missiyası çərçivəsində həyata keçirilir. Kosmik ekspedisiya iştirakçıları arasında ABŞ-dan NASA-nın keçmiş astronavtı Maykl Lopez-Aleqria, İtaliyadan pilot Valter Villadei, isveçli missiya mütəxəssisi Markus Wandt və Türkiyə tarixində ilk astronavt olacağı gözlənilən Alper Gezeravcı da var.

Şirkətdən verilən məlumata görə, uçuşdan əvvəl yoxlamalar və əlavə məlumatların təhlili üçün komandalara əlavə vaxt ayrılır.

Yeni il ərəfəsində SpaceX ABŞ Silahlı Qüvvələrinin eksperimental pilotsuz kosmik təyyarəsi X-37B-ni Falcon Heavy raketindən istifadə edərək kosmosa göndərdi.