“Muhteşem Yüzyıl” serialının məşhur aktyorları Meryem Uzerli və Halit Ergenç uzun fasilədən sonra eyni layihədə rol alıblar.

Hürrem Sultan və Qanuni Süleyman obrazları ilə yadda qalan sənətçilər “İmrozda Bahar” filminin dünya premyerasında iştirak etmək üçün Misirdə təşkil olunan “El Gouna” film festivalının qırmızı xalçasına çıxıblar.

Rejissor Özcan Alperin ekranlaşdırdığı film Gökçeadada yolları kəsişən iki insanın həyatından bəhs edir. Keçmişin izlərini daşıyan qəhrəmanlar adada qarşılaşdıqdan sonra həyatlarında yeni səhifə açmaq şansı qazanırlar.

Filmin ssenarisi Özcan Alper və Luzin Dink tərəfindən birgə yazılıb. Çəkilişlər Gökçeadada aparılıb.

Qeyd edək ki, aktyorlar “Muhteşem Yüzyıl” serialından təxminən 15 il sonra yenidən eyni ekran işində tərəf müqabili olublar.