ABŞ-dan Asiya və Cənubi Amerikaya mayeləşdirilmiş təbii qaz (LNG) daşıyan tankerlər istiqamətini dəyişərək Avropa limanlarına üz tutur. Bu barədə Britaniyanın “Financial Times” qəzeti yazır.

Nəşrin məlumatına görə, hazırda Avropada qaz anbarı ehtiyatları tükənmək üzrədir. Müəlliflər qeyd edirlər ki, LNG sahibləri bu vəziyyətdən istifadə edərək yüklərini daha yüksək gəlirlə sata bilərlər.

ICIS analitik şirkətinin məlumatlarına görə, son bir ayda ən azı yeddi LNG tankeri kursunu dəyişib. Onlar 500 min tona yaxın qaz nəql ediblər. Şirkətin məlumatına görə, 6 gəmi Ümid burnuna və Asiyaya çatmalı idi və daha bir tanker Kolumbiyaya doğru yola düşmüşdü.

Bir neçə saat əvvəl ABŞ prezidenti Donald Tramp ölkəsinin Avropa İttifaqına irimiqyaslı enerji təchizatına zəmanət verməyə hazır olduğunu bildirib. Onun sözlərinə görə, saziş bağlanarsa, Vaşinqton bütün şərtlərini yerinə yetirəcək.