Türkiyə prezidenti Ərdoğanın cədvəlində danışıqlar üçün İstanbula gələn Rusiya və Ukrayna nümayəndə heyətləri ilə görüş yoxdur. Türkiyə liderinin planlaşdırdığı bütün tədbirlər Ankarada keçiriləcək.
Orada o, İstanbul danışıqları fonunda Türkiyəyə uçacaq Ukrayna prezidenti Vladimir Zelenskini öz iqamətgahında qəbul edəcək.

Bundan sonra Türkiyə prezidenti hakim Ədalət və İnkişaf Partiyasının (Ak partiya) və Türkiyə Ticarət və Sənaye Palataları və Birjaları Birliyinin (TOBB) konqres mərkəzində keçiriləcək tədbirlərdə iştirak edəcək.

Xatırladırıq ki, bu gün İstanbulda Rusiya və Ukrayna arasında münaqişənin həlli ilə bağlı danışıqlar baş tutacaq. İki ölkənin görüşü Rusiya prezidenti Vladimir Putinin təşəbbüsü ilə ötən həftəsonu keçirilib.

Rusiya Federasiyasından olan nümayəndə heyətinə prezidentin köməkçisi Vladimir Medinski başçılıq edir. ABŞ-ın nümayəndələri - prezidentin xüsusi nümayəndələri Keyt Kelloq və Stiven Vitkoff, o cümlədən dövlət katibi Marko Rubio da İstanbula gəliblər.