NYT: Tramp Maduronu devirmək üçün MKİ-nin Venesuelada gizli əməliyyatlarına icazə verib

ABŞ prezidenti Donald Tramp administrasiyası ölkə lideri Nikolas Maduroya təzyiqləri artırmaq kampaniyası çərçivəsində Mərkəzi Kəşfiyyat İdarəsinə (ЦРУ) Venesuelada məxfi əməliyyatlar keçirməyə icazə verib. Bu barədə “The New York Times” Amerika hökumətindəki mənbələrə istinadən yazır.

Nəşrin qeyd etdiyi kimi, bu qərar Ağ Evin Venesuelada hakimiyyət dəyişikliyinə yönəlmiş strategiyasının növbəti mərhələsi oldu. NYT-nin məlumatına görə, bu icazə Pentaqonun mümkün hərbi müdaxilə, o cümlədən ölkə ərazisinə hədəfli zərbələr endirmə ssenarilərini hazırlaması fonunda MKİ tərəfindən verilib.

Məqalədə ABŞ-ın bölgədəki hərbi mövcudluğunu əhəmiyyətli dərəcədə artırdığı göstərilir. indi 10 minə yaxın Amerika əsgəri, səkkiz gəmi və bir sualtı qayıq var. Eyni zamanda, ABŞ hərbçiləri artıq Venesuela sahillərində narkotik qaçaqmalçılığı ilə əlaqəli ola biləcək gəmilərə zərbələr endiriblər.

Jurnalistlər yazır ki, Karakasa təzyiq strategiyası dövlət katibi və Trampın milli təhlükəsizlik üzrə müşaviri Marko Rubio tərəfindən hazırlanıb və Maduronu hakimiyyətdən uzaqlaşdırmağa yönəlib. ABŞ administrasiyası əmindir ki, Venesuela prezidentinin narkotik kartelləri ilə əlaqəsi var və bu, Vaşinqtona onun devrilməsini narkotik vasitələrin qanunsuz dövriyyəsinə qarşı mübarizənin tərkib hissəsi hesab etməyə imkan verir.

Bir sıra ekspertlər hesab edir ki, ABŞ ordusu narkotik kartelləri ilə mübarizə çərçivəsində Venesuelada bir sıra obyektlərin ələ keçirilməsi əməliyyatına başlamağa hazırdır.