ABŞ Prezidenti Donald Trump Vaşinqtonla Tehran arasında tətbiq edilən atəşkəs rejiminin başa çatdığını açıqlayıb.

Donald Tramp bu barədə özünün Truth Social sosial şəbəkəsində paylaşım edib.

Onun sözlərinə görə, buna baxmayaraq, ABŞ və İran arasında münaqişənin nizamlanmasına yönəlmiş danışıqlar davam etdiriləcək. Tramp bildirib ki, danışıqların bərpası təşəbbüsü İran rəhbərliyindən gəlib.

ABŞ prezidenti qeyd edib ki, Vaşinqton bu təkliflə razılaşıb, lakin eyni zamanda Tehrana atəşkəs rejiminin artıq qüvvədə olmadığını açıq şəkildə çatdırıb.

Tramp paylaşımında yazıb: "İran İslam Respublikası bizdən danışıqları davam etdirməyi xahiş etdi. Biz bununla razılaşdıq, lakin birmənalı şəkildə bildirdik ki, atəşkəs rejimi başa çatıb."