15.02.2022-ci il tarixinə Ədliyyə Nazirliyinin Penitensiar və Probasiya xidmətləri, həmçinin aidiyyəti məhkəmələr tərəfindən "8 Noyabr -Zəfər günü münasibətilə Amnistiya elan edilməsi haqqında" Milli Məclisin 05.11.2021-ci il tarixli Qərarı 12570 nəfərə tətbiq edilmişdir. Bu barədə Azadmedia.az-a Ədliyyə Nazirliyindən verilən məlumatda deyilir. Qeyd olunub ki, onlardan - 5009-u Penitensiar, 6759-u Probasiya xidmətləri tərəfindən tətbiq edilmiş, Amnistiyanın tətbiqi nəticəsində 8138 nəfər ayrı-ayrı cəzalardan azad edilmiş, 3630 nəfərin isə cəzası azaldılmışdır.