Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi brifinqdə bildirib ki, hazırda ABŞ prezidenti Co Bayden və ukraynalı həmkarı Vladimir Zelenski arasında görüş planlaşdırılmır. Tədbir Amerika administrasiyasının Youtube kanalı tərəfindən yayımlanıb.

"Hazırda səfər çərçivəsində prezident Zelenski ilə planlaşdırılan görüş yoxdur", - Kirbi bildirib.

Qeyd edilir ki, Ağ Ev ABŞ prezidenti Co Baydenin Varşavada NATO-nun şərq cinahının liderləri ilə görüşəcəyini açıqlamışdı. Azadmedia.az xəbər verir ki, Ağ Evin mətbuat katibi Karine Jean-Pierre-in sözlərinə görə, Bayden Polşaya səfəri zamanı ölkə prezidenti Anjey Duda və Şimali Atlantika Alyansının şərq cinahının liderləri ilə görüşərək, onun təhlükəsizliyinə “ABŞ-ın sarsılmaz dəstəyini bir daha təsdiqləyəcək” cavabını verib.

Bundan əvvəl ABŞ administrasiyası Co Baydenin Polşaya səfərinin fevralın 20-dən 22-dək baş tutacağını bildirmişdi.