Polşanın Rusiyadakı keçmiş səfiri Katarjina Pelçinska-Nalenç deyib ki, Ukrayna ilə vahid dövlət yaratmaq ideyası reallıqdan uzaqdır. O, bu barədə RMF FM-in efirində məlumat verib.

Onun sözlərinə görə, birlik ideyası cəlbedicidir, lakin real deyil, çünki bu, hər iki ölkənin rifahını təmin etməyəcək.

Bundan əvvəl Ukraynanın strateji sənaye naziri Aleksandr Kamışin Ukrayna və Polşanın tank mərmilərinin birgə istehsalı barədə razılığa gəldiyini bildirmişdi. Bu barədə nazir özünün Telegram kanalında yazıb.

Azadmedia.az xəbər verir ki, Nazirin sözlərinə görə, razılıq Ukrayna prezidenti Vladimir Zelenskinin Polşaya səfəri zamanı əldə olunub. Memorandumu Ukrayna dövlət holdinqinin direktoru və Polşa istehsalçısının rəhbərliyi imzalayıb.

O əlavə edib ki, nazirliyin vəzifələrindən biri həm Ukrayna müəssisələrində, həm də xarici tərəfdaşlarla birlikdə mərmi istehsalını artırmaqdır.