Avropa İttifaqı Qazaxıstan, Çili, Braziliya və Nigeriyada təsirini artırmaq üçün plan hazırlayır. Aİ bu dövlətləri Rusiya və Çinin təsirindən qorumaq niyyətindədir. Azadmedia.az xəbər verir ko, Politico Avropa rəsmilərinin məxfi brifinqindən sonra hazırlanmış Aİ memorandumuna istinadən xəbər verir. Strategiya aprelin 24-də Lüksemburqda xarici işlər nazirlərinin görüşündə müzakirə edilməli idi.

Nəşr qeyd edir ki, sənəd bu dövlətlərlə əlaqələrin gücləndirilməsi üçün mümkün addımları təklif edir. Burada təkcə mümkün ticarət sazişləri deyil, həm də hər bir ölkənin enerji, miqrasiya, iqtisadi inkişaf və ya təhlükəsizlik sahəsində əməkdaşlıq üçün fərdi təklifləri qeyd olunur.

Politico-ya görə, sənəd Çin və Rusiya ilə təsir uğrunda mübarizəyə birbaşa aid deyil, lakin Aİ-nin “rəqabətli geosiyasi mühitdə” olduğunu və “povestlər və təkliflər mübarizəsinə” girməyə məcbur olduğunu qeyd edir.

Sənədlə tanış olan avropalı rəsmi nəşrə bildirib ki, Aİ üçün təsirini artıracaq əsas regionlar Latın Amerikası və Karib hövzəsidir.

Sənəddən belə çıxır ki, Aİ Cənubi Amerika ölkələri ilə MERCOSUR ticarət sazişini canlandırmağı planlaşdırır. Avropa İttifaqı hesab edir ki, Braziliya bu planların həyata keçirilməsinə əsas təsir göstərə bilər. Eyni zamanda, xüsusilə Aİ Braziliyanın Ukraynaya hərbi yardım göstərməkdən imtina etməsindən narahatdır.

Sənəddə Çili Aİ-nin “yaşıl siyasət”in həyata keçirilməsində müttəfiqi və “Ukraynadakı vəziyyətə güclü dəstəyin səsi” kimi baxılır. Eyni zamanda, Avropa İttifaqı bu Latın Amerikası ölkəsində Çinin artan təsirindən narahatdır, memorandumda deyilir.

Aİ memorandumda Qazaxıstana “Şərq və Qərb arasında vasitəçi platforma” rolunu verir. Sənəddə, xüsusən, Qazaxıstanla bütün Aİ ölkələri ilə hava əlaqəsi haqqında sazişin bağlanması təklif edilir. Memorandum, həmçinin hökuməti Avropa İttifaqı ilə “yeni qarşılıqlı fəaliyyətə” icazə verən Nigeriya vətəndaşları üçün viza rejiminin yüngülləşdirilməsini təklif edir.