Cənubi Koreya prezidenti Yoon Sok-yeol bildirib ki, Pxenyandan nüvə hücumu olacağı təqdirdə Seul Vaşinqtonla ittifaqın bütün gücündən, o cümlədən ABŞ-ın nüvə silahından istifadə edəcək. O, bunu Vaşinqtonda keçirilən sammitin yekunlarına görə ABŞ prezidenti Co Baydenlə birgə mətbuat konfransında deyib.
Seul və Vaşinqton da Pxenyanın nüvə və ballistik raket proqramlarını pisləyib və buna son qoymağa çağırıb. KXDR-in kütləvi qırğın silahlarının hazırlanması Cənubi Koreya və ABŞ arasında müttəfiqlik üçün ciddi təhlükəsizlik təhdididir, iki ölkə liderləri Cənubi Koreya prezidentinin saytında yerləşdirilmiş birgə bəyanatda bildiriblər.

“ABŞ, ABŞ-ın Nüvə Duruşu Hesabatının deklarativ siyasətinə uyğun olaraq Koreya yarımadasında nüvə silahından hər hansı mümkün istifadə halında Koreya Respublikası (KR) ilə məsləhətləşmələr aparmaq üçün hər cür səy göstərməyə sadiqdir. ABŞ alyansı bu cür məsləhətləşmələri asanlaşdırmaq üçün güclü kommunikasiya infrastrukturunu qoruyacaq”, - Vaşinqton Bəyannaməsində deyilir.

Azadmedia.az mənbəyə istinadən xəbər verir ki, ABŞ 1958-ci ildə Cənubi Koreyada taktiki nüvə silahı yerləşdirdi, lakin 1991-ci ildə Soyuq Müharibə bitdikdən sonra onları çıxardı. Bayden administrasiyasının nüvə silahlarını Koreya yarımadasına yenidən yerləşdirmək planları yoxdur. The Wall Street Journal