İran prezidenti İbrahim Rəisi iki günlük rəsmi səfərlə Suriyaya gəlib. Azadmedia.a xəbər verir ki, bu barədə “Sana” agentliyi məlumat yayıb.

Rəisi ilə Suriya prezidenti Bəşər Əsədin Dəməşqdə danışıqlar aparacağı və bir sıra sazişlərin imzalanacağı gözlənilir.

Yaxın Şərq mediası bildirir ki, bu, İran prezidentinin 2010-cu ildən bəri Suriyaya ilk səfəridir.

Bundan əvvəl İran hökuməti qeyd edib ki, Rəisinin Suriya prezidentinin dəvəti ilə baş tutacaq səfəri hər iki ölkə üçün “mühüm strateji əhəmiyyətə malik olacaq”.