Avropa Parlamenti iyunun 1-də xarici ölkələrin Aİ işlərinə müdaxiləsi üzrə xüsusi komissiyanın hesabatını təsdiqləyib. Sənəddə Moskva və Pekin də daxil olmaqla, ittifaqdakı seçkilərə “təsir” qorxusu vurğulanır. Azadmedia.az xəbər verir ki, bu barədə “RİA Novosti” yazır.

Avropa Parlamentinin üzvləri xarici müdaxilələrə qarşı mübarizə alətləri üçün maliyyənin artırılmasının, həmçinin AP-də xüsusi qurumun yaradılmasının zəruriliyini təsdiqləyiblər. Parlamentarilər qeyd ediblər ki, seçki prosesləri üçüncü şəxslərin təsirinə məruz qalır, siyasi fəaliyyətlər xarici strukturlar tərəfindən maliyyələşdirilir. Hesabatda Rusiya və Çinin Aİ-nin və ittifaq üzvlüyünə namizədlərin işlərinə qarışmasına xüsusi diqqət yetirilir.

Aİ-nin siyasi aparatının bütün eşelonlarında TikTok sosial şəbəkəsindən istifadəyə qadağa qoyulmasının zəruriliyi də qeyd olunub. Deputatlar hesab edirlər ki, “yüksək riskli” ölkələrin proqram təminatından istifadə istisna edilməlidir.

Bundan əvvəl bildirilib ki, Şimali Atlantika Alyansı Moskva ilə birbaşa silahlı münaqişədən ehtiyatlandığı üçün Kiyevə qarşı daha qəti addımlara hazır deyil. Blok hələ ki, qarşılıqlı müdafiə öhdəlikləri əsasında Ukraynanın təhlükəsizliyinə zəmanət verməyə çalışmayıb.