Əcnəbilərə ilkin yaşayış icazəsi (icazə) verilməsinə qoyulan qadağa bütün İstanbula deyil, 39 rayondan yalnız 10-na şamil edilir. Azadmedia.az xəbər verir ki, bu barədə Türkiyənin Miqrasiya İdarəsi məlumat yayıb.

“İstanbulda 39 rayonun hamısının yaşayış icazəsi almaq üçün bağlanması ilə bağlı deyilənlər doğru deyil – söhbət ilkin yaşayış icazəsi üçün müraciət etməyin mümkün olmadığı yalnız 10 rayondan gedir”, - agentliyin açıqlamasında deyilir.

Söhbət Avcılar, Bahçelievler, Başakşehir, Bağçılar, Esenler, Küçükçekmece, Sultangazi, Zeytinburnu rayonlarından gedir, Fatih və Esenyurt rayonlarının isə 2021-ci ildən etibarən bağlı olduğunu Miqrasiya İdarəsi açıqlayıb.

Onlar əlavə ediblər ki, ötən il iyulun 1-dən Türkiyə üzrə 63 rayon əcnəbilərin ilkin yaşayış icazəsi alması üçün bağlanıb. İstanbul Miqrasiya İdarəsinin məlumatına görə, hazırda şəhərdə 1,3 milyon əcnəbi yaşayır.