ABŞ prezidenti Co Bayden Avstraliyanın baş naziri Entoni Albanese ilə Ağ Evdə danışıqların yekunlarına dair birgə mətbuat konfransında deyib ki, Birləşmiş Ştatlar Fələstin radikal HƏMAS hərəkatının yaraqlılarını cəzalandırmaq üçün İsrailə lazım olan hər şeydə kömək edəcəyinə zəmanət verir. .

O, bəyan edib ki, İsrail öz xalqına qarşı hücumlara cavab vermək hüququ və öhdəliyinə malikdir.
Amerika prezidenti həmçinin bildirib ki, Qəzza zolağına humanitar yardımın həcmi artırılmalıdır. Onun sözlərinə görə, ABŞ bunun üzərində çox işləyir.

Bundan əvvəl Bayden İsrailin baş naziri Benyamin Netanyahudan Qəzza zolağına davamlı humanitar yardım axınını təmin etməyi tələb edib.