Qəzzada fələstinli etirazçılarla İsrail hüquq-mühafizə orqanları arasında toqquşmalarda ölənlərin sayı 52-ə çatıb.
"Ölkə.Az" xəbər verir ki, bu barədə yerli tibb xidmətinin rəsmi nümayəndəsi Əşrəf əl-Kidra məlumat verib. O bildirib ki, yaralı sayı isə 2410 nəfərdir.

***

ABŞ səfirliyini Qüdsə köçürür.

“Ölkə.Az” xəbər verir ki, buna etiraz edən fələstinlilər İsrail əskərlərinin hədəfi olub. Beynəlxalq xəbər agentliklərinin məlumatına əsasən, Qəzza sərhədindəki toqquşmalarda 18 nəfər həlak olub. 500 nəfər isə yaralı var.
Aksiya iştirakçıları təkər yandırıblar. Bölgədə qara tüstüdən göz gözü görmür.

Qeyd edək ki, ABŞ Qüdsü İsrailin paytaxtı kimi tanıyıb bu gün səfirlik binasını bu şəhərə köçürür. Məlum xəbər Orta Şərqdə gərginliyi artırıb.
Açılışda ABŞ prezidentinin qızı İvanka və onun əri Cared də iştirak edəcək. ABŞ prezidenti isə tədbirdə video konferansla çıxış edəcək. 32 ölkə tədbirə nümayəndəsini göndərir.