Avropa İttifaqı bu ilin sonu və ya gələn ilin əvvəlində Ermənistana hərbi-texniki missiya göndərəcək. KİV xəbər verir ki, bunu Aİ-nin Ermənistandakı nümayəndə heyətinin rəhbəri Vasilis Maraqos deyib.

O qeyd edib ki, Aİ Ermənistanla, o cümlədən təhlükəsizlik sahəsində əməkdaşlığı inkişaf etdirmək öhdəliyi götürüb.

Avropa Xarici Fəaliyyət Xidməti və Avropa Komissiyası nümayəndə heyətinin İrəvana səfərinin yekunlarını şərh edən Maraqos bildirib ki, bu ilin sonu və ya gələn ilin əvvəlində Brüssel Ermənistana texniki missiya göndərəcək. Ermənistan Silahlı Qüvvələrinə dəstək verilməsi üçün konkret təkliflər var.