Ukrayna prezidenti Vladimir Zelenski deyib ki, hər bir rusiyalı pilot münaqişədə iştirak edib-etməmək barədə özü üçün dəqiq seçim etməlidir, çünki Ukraynanın hava hücumundan müdafiə sistemi daha da güclənəcək. Bu barədə RBC-Ukrayna məlumat yayıb.

Onun sözlərinə görə, Milad bayramından əvvəl axşam saatlarında Ukrayna hərbçiləri 30-a yaxın pilotsuz uçuş aparatı (PUA) və bir neçə raketi vurub.

“Hər bir rus pilotu bu müharibədə iştirak edib-etməmək barədə özü üçün dəqiq seçim etməlidir. Hava hücumundan müdafiəmiz daha da güclənəcək. Üstəlik, biz artıq razılaşdırılmış əlavə sistemlər və F-16 aldıqda”, - Zelenski bildirib.

Bundan əvvəl Ukrayna prezidentinin aparat rəhbərinin müavini İqor Jovkva gələcəkdə Vladimir Zelenski ilə Macarıstanın baş naziri Viktor Orban arasında danışıqların aparılacağını istisna etməyib. Onun sözlərinə görə, Kiyev “bu səfəri hazırlayacaq və komandalar işləyəcək”.

Bundan əvvəl Macarıstanın baş naziri Orban bildirib ki, Kiyev Macarıstan-Ukrayna münasibətlərinin pisləşməsinə görə məsuliyyət daşıyır.