Yəmənin Ədən limanı yaxınlığında ticarət gəmisi raketlə vurulub. TASS bu barədə dəniz təhlükəsizliyi üzrə ixtisaslaşmış Ambrey şirkətinə istinadən xəbər verir.

Qeyd olunur ki, gəminin göyərtəsində yanğın baş verib, lakin zərbə nəticəsində ekipaj üzvlərindən heç biri xəsarət almayıb.

Böyük Britaniya Hərbi Dəniz Qüvvələrinin Dəniz Ticarət Koordinasiya Ofisi (UKMTO) da Yəmən sahillərində gəmiyə hücum barədə məlumat verib, lakin baş verənlərlə bağlı təfərrüatları açıqlamayıb.

Hadisə Ədəndən 60 dəniz mili (111 km) cənub-şərqində baş verib.

Bundan əvvəl UKMTO Dəniz Ticarət Koordinasiya Mərkəzi husilərin Yəmənin Ədən şəhərindən 60 km aralıda gəmiyə hücum etdiyini bildirmişdi. Mərkəzin məlumatına görə, raketlər gəmidən 0,5 km və 4 km məsafədə uçub, ekipaj və gəmi xəsarət almayıb.

Qəzza zolağında İsrail və HƏMAS arasında müharibənin fonunda, Yəmənin husi üsyançıları 2023-cü ilin oktyabr ayının əvvəlində Qırmızı dənizdə ticarət və hərbi gəmilərə hücum etməyə başladılar.