“Gürcüstan Post”un saytında Heydər Əliyevin yubileyinə həsr olunmuş poçt markaları satışa çıxarılıb – onlar 2023-cü ilin sonunda təqdim edilib.

AZƏRTAC xəbər verir ki, poçt markaları “Georgian Post”un internet saytında və ölkə üzrə 81 poçt şöbəsində onlayn satışa çıxarılıb.

Xatırladaq ki, ötən il dekabrın 26-da Azərbaycanın Gürcüstandakı səfirliyində yeni poçt markalarının təqdimatı keçirilib - səfir Faiq Quliyev, “Azərpoçt” MMC-nin İdarə Heyətinin sədri vəzifəsini icra edən İsi Mustafayev və digər rəsmi şəxslər iştirak ediblər.