ABŞ Qəzza zolağına müvəqqəti liman açmaq və humanitar yardım çatdırmaq üçün avadanlıq daşımağa başlayıb. TASS xəbər verir ki, bu barədə şənbə günü ABŞ Silahlı Qüvvələrinin Mərkəzi Komandanlığı (CENTCOM) məlumat yayıb.
Martın 7-də ABŞ prezidenti Co Bayden bəyan edib ki, Vaşinqton Fələstin anklavına dəniz yolu ilə humanitar yardım çatdırmaq üçün Qəzza zolağında müvəqqəti liman yaradır. Martın 8-də dövlət katibi Antoni Blinkenin aydınlaşdırdığı kimi, bu liman alternativ deyil, Misirin Rəfah keçid məntəqəsinə əlavə olacaq.

Yanvarda “The New York Times” öz mənbələrinə istinadən yazıb ki, Amerika, Britaniya və Avropa rəsmiləri Aşdod vasitəsilə Qəzza zolağına humanitar yardımın axmasına icazə vermək üçün İsrailə təzyiq edir. Nəşrin məlumatına görə, Blinken bu məsələni Təl-Əvivdəki danışıqlarda qaldırıb. Qərbin planına görə, mallar Kiprdən İsrailin Aşdod limanına, oradan isə Kerem Şalom keçid məntəqəsinə aparılaraq Qəzzaya çatdırılacaq. Qəzet son nəticədə Misir vasitəsilə İsrailin yüklərə nəzarət və yoxlama baxımından tələblərinə cavab verən yardım göndərilməsinin alternativi olmalıdır.