Gürcüstan parlamentində xarici agentlər haqqında qanun layihəsinin birinci oxunuşda səsverməsi aprelin 17-nə təxirə salınıb. Bunu parlamentin sədri Şalva Papuaşvili plenar iclasın yekunlarına yekun vurarkən deyib.

Onun sözlərinə görə, reqlamentə əsasən, plenar iclas yerli vaxtla saat 21:00-da (Bakı ilə eyni) başa çatmalıdır.

Qanun layihəsi ilə bağlı siyasi müzakirələr yekunlaşmadığı üçün aprelin 17-də onun davam etdirilməsi, daha sonra layihənin səsə qoyulması qərara alınıb.