Tbilisidə parlament binası yaxınlığında xarici agentlər haqqında qanuna etiraz aksiyası başa çatıb. Bu barədə TASS məlumat yayıb.

Sonuncu xüsusi təyinatlılar parlamentə bitişik ərazini tərk etdikdən sonra etirazçılar dağılışmaq qərarına gəliblər. Qanunverici orqanın yanında qalan nümayişçilərdən bəziləri kordon götürüldükdən sonra parlament binasını gəzib, sonra evlərinə getməyə başlayıblar.

Polis qrupları yalnız parlamentin əsas girişindəki Rustaveli prospektində qalmağa davam edir. Artıq şəhər xidmətlərinin əməkdaşları Rustaveli prospektində peyda olub və ərazini təmizləməyə başlayıblar.

Aprelin 28-də Tbilisidə qeyri-hökumət təşkilatlarının və siyasi partiyaların nümayəndələri xarici agentlər haqqında qanuna etiraz aksiyası keçiriblər. Bir neçə min nümayişçi Birinci Respublika Meydanına toplaşaraq parlamentə doğru yürüş təşkil edib. Daha sonra etirazçılar bazar ertəsi mitinq keçirəcək hakim “Gürcü Arzusu-Demokratik Gürcüstan” partiyasının tərəfdarları üçün qurulmuş səhnəyə buraxılmağı tələb edərkən parlament binası qarşısında polislə toqquşma baş verib. Polis bir neçə dəfə bibər qazından istifadə etməli olub.