Ermənistanın baş naziri Nikol Paşinyanın istefasını tələb edən etirazçılar Respublika Daxili İşlər Nazirliyinin binasına doğru irəliləyirlər. Bu barədə RİA Novosti məlumat yayıb.

Mayın 29-da tərəfdarlarının mitinqində etirazçı arxiyepiskop Baqrat Qalstanyan bildirib ki, hüquq-mühafizə orqanlarının əməkdaşları etirazçılara qarşı zorakılıqla bağlı izahat verməlidir.

Din xadimi bildirib ki, polisin əməlinə görə cavab tələb etmək və dinc əhaliyə qarşı zorakılıq tətbiq etmək göstərişini kimin verdiyini öyrənmək üçün Daxili İşlər Nazirliyinə getməyə qərar verib.

Mayın 9-dan Yerevanda baş nazir Nikol Paşinyanın istefası, Azərbaycanla sərhədin delimitasiyası prosesinə son qoyulması və bir sıra sərhədyanı ərazilərin Azərbaycan tərəfinə verilməsi tələbi ilə etiraz aksiyaları keçirilir. Etiraz aksiyasına Erməni Apostol Kilsəsinin Tavuş yeparxiyasının rəhbəri, arxiyepiskop Baqrat Qalstanyan başçılıq edir və o, öz tərəfdarlarını hazırkı hakimiyyətə itaətsizlik nümayiş etdirməyə çağırır.