Prague şəhərinin mərkəzində yerləşən “Kunratice” ticarət mərkəzində naməlum şəxslər bankomatı partladaraq pul oğurlayıblar.
Bu barədə Çexiyanın ČTK agentliyi polisə istinadən məlumat yayıb.

Məlumata görə, hadisə səhər saatlarında baş verib. Naməlum şəxslər ticarət mərkəzində yerləşən bankomatı partladıblar. Hazırda cinayətkarların axtarışı davam edir.

Polis əməliyyata termal kamera ilə təchiz olunmuş helikopter və axtarış-xilasetmə itləri cəlb edib. Hadisə yerində kriminalistlər və partlayıcı maddələr üzrə mütəxəssislər çalışırlar.

Hüquq-mühafizə orqanları bildiriblər ki, dəymiş ziyanın həcmi hələ müəyyən edilməyib. Oğurlanan pulun miqdarı da araşdırılır.