İranla münasibətlər Rusiya üçün prioritet xarakter daşıyır.

Azadmedia.az xəbər verir ki, bunu Rusiya Prezidenti Vladimir Putin İran prezidenti Məsud Pezeşkianla görüşündə deyib.

Belə ki, “Biz beynəlxalq arenada fəal işləyirik və dünyada baş verən hadisələrə verdiyimiz qiymətlər çox vaxt çox yaxın olur. Əminəm ki, bu gün də bu barədə danışacağıq”, - deyə Rusiya lideri vurğulayıb.

Həmçinin Putin qeyd edib ki, İran ŞƏT və BRİCS-in tamhüquqlu üzvüdür. O, Məsud Pezeşkianla Kazanda BRİCS sammiti çərçivəsində ikitərəfli görüşünün planlaşdırıldığını da söyləyib.