Ukrayna Prezidenti Volodimir Zelenski Belarus müxalifətinin lideri Svetlana Tixanovskaya ilə görüşüb.

Siyasətçilərin ilk görüşü Litvanın paytaxtı Vilnüs şəhərində keçirilib.

Məlumata görə, görüş zamanı Zelenski Ukrayna, Tixanovskaya isə Belarus dilində danışıblar. Tixanovskaya belarusca danışarkən bəzən Ukrayna dilindəki sözlərdən istifadə etdiyini etiraf edib.

“Belaruslu siyasətçi və prezidentliyə keçmiş namizəd demokratik Belarusa dəstəyinə görə Zelenskiyə təşəkkür edib”, - nəşr yazıb.

V.Zelenski isə S.Tixanovskayanı Kiyevə səfərə dəvət edib.