Litva tərəfindən sərhəd-keçid məntəqələrinin bağlanması səbəbindən dərhal Belarusu tərk edin. Azadmedia.az xəbər verir ki, bu barədə ABŞ-ın Minskdəki səfirliyinin saytında dərc olunmuş press-relizdə deyilir.

“Belarusda olan ABŞ vətəndaşları dərhal ölkəni tərk etməlidirlər. Litva və Latviya ilə qalan sərhəd-keçid məntəqələrindən və ya təyyarə ilə uçmağı düşünün”, - diplomatik nümayəndəliyin bəyanatında deyilir.

Səfirlik həmçinin amerikalıları Rusiya və ya Ukraynaya səfər etməməyə çağırıb.

Avqustun 18-də Litva hakimiyyəti Belarusla sərhəddəki 6 nəzarət-buraxılış məntəqəsindən (keçid məntəqəsindən) ikisini bağlayıb. Şumskas və Tveryaçyusdakı obyektlərdə işlər dayandırılıb.

Baltikyanı respublikanın daxili işlər naziri Aqne Bilotaitenin sözlərinə görə, bu qərar qaçaqmalçılıqla mübarizə çərçivəsində və ölkənin təhlükəsizliyinə mümkün təhdidlər səbəbindən qəbul edilib. Şöbə müdiri izah edib ki, qeyd olunan məntəqələrdə rentgen avadanlığı quraşdırılmayıb və yoxlamanın səmərəliliyi digər məntəqələrlə müqayisədə xeyli aşağıdır.