İsrail prezidenti İsaak Hersoq onları çətin günlərin gözlədiyini və “çox əhatəli və geniş müharibənin bir göz qırpımında bitməyəcəyini” deyib.
Azadmedia.az xarici KİV-ə istinadən xəbər verir ki, İsak Hersoq Qəzzadan İsrailə edilən hücumlarla bağlı ictimaiyyətə müraciət edib.
Belə ki, Hersoq İsraildəki hadisələrin hərtərəfli müharibənin bir hissəsi olduğunu deyib:

"Belə bir müharibə bir göz qırpımında bitməyəcək. Düşmənlərimiz ciddi psixoloji səylər göstərir; kiberhücum etməklə, qeyri-real görüntülər və hesabatlar dərc etməklə. Bunların hamısında məqsəd içimizə qorxu və təşviş salmaqdır. Mübahisəsiz fakt olaraq, İsrail dövlətinin uğur qazanmaqdan başqa seçimi yoxdur".