Birləşmiş Millətlər Təşkilatının İnkişaf Proqramı (UNDP) 110 ölkədə yaşayan 6,1 milyard insanın 1,1 milyardının yoxsulluqla mübarizə apardığını açıqlayıb.

1992-ci il dekabrın 22-də yoxsulluqla mübarizə ilə bağlı qəbul edilən qərarla Birləşmiş Millətlər Təşkilatı (BMT) 17 oktyabrı Ümumdünya Yoxsulluqla Mübarizə Günü elan etdi. Bu kontekstdə BMT təşkil etdiyi tədbirlərlə beynəlxalq ictimaiyyətin diqqətini məsələyə cəlb etməyə çalışır.

UNDP-nin 2023-cü il Qlobal Çoxölçülü Yoxsulluq İndeksinə əsasən, 110 ölkədə yaşayan 6,1 milyard insanın 1,1 milyardı yoxsulluqla mübarizə aparır.

Dünyadakı hər 6 yoxsul insandan 5-i Qara Afrika və ya Cənubi Asiyada yaşayır. Bölgələr üzrə bölgüsünə nəzər saldıqda, Qara Afrika Bölgəsində yaşayanların 47,8 faizinin yoxsulluqla mübarizə apardığı halda, Cənubi Asiyada bu nisbətin 34,9 faiz olduğunu görmək mümkündür.

Cənubi Asiya və Qara Afrikadan başqa yoxsulluqla mübarizə aparanların 65 faizi Çin, İndoneziya, Myanma, Sudan və Yəməndədir.

BMT-nin dünyanı qorumaq və onun rifahını təmin etmək üçün qarşıya qoyduğu inkişaf məqsədlərinə 2030-cu ilə qədər yoxsulluğun aradan qaldırılması daxildir.

UNDP-nin məlumatlarına görə, dünyada yoxsulluq səviyyəsinin artımını azaltmaq və gündə 3,65 dollardan az pulla yaşayan milyonlarla insanı yoxsulluqdan çıxarmaq 14 milyard dollardan bir qədər çox vəsaitlə mümkündür.