“AzerGold”un törəmə müəssisəsi “Daşkəsən Dəmir Filiz” (DDF) MMC-nin təşəbbüsü və Ekologiya və Təbii Sərvətlər Nazirliyinin (ETSN) dəstəyi ilə Daşkəsən rayonunda yerləşən Güney-Zağalı su anbarının ətrafında ekoloji aksiya keçirilib. 18 sentyabr Beynəlxalq Sahilyanı Təmizlik Gününə həsr edilmiş tədbirdə su hövzəsinin ətrafı müxtəlif məişət tullantılarından təmizlənib, tullantılar çeşidlənərək təkrar emala yönəldilib. Aksiya çərçivəsində, həmçinin balıq növlərinin təbii populyasiyasının artırılması məqsədilə su hövzəsinə yerli şəraitə uyğun olaraq qızılxallı forel körpələri buraxılıb. Sözügedən tədbirə dair press-relizi (Azərbaycan və rus dillərində) və fotoların linki əlavədə diqqətinizə çatdırılır. Xahiş edirəm, məlumatın yayılmasına dəstək göstərəsiniz.