Meksika prezidenti Klaudiya Şeynbaum ABŞ-ın Meksika mallarına tətbiq etdiyi rüsumların ABŞ iqtisadiyyatına ciddi mənfi təsir göstərəcəyini bildirib.

"Meksikaya tətbiq edilən 25%-lik gömrük rüsumları hər iki ölkə üçün nəticələrə gətirib çıxaracaq. Onların ABŞ iqtisadiyyatı üçün son dərəcə ciddi nəticələri olacaq, çünki Meksikadan ABŞ-a ixrac edilən bütün malların dəyəri əhəmiyyətli dərəcədə artacaq", - Şeynbaum ona göndərdiyi videomüraciətdə bildirib. X səhifəsində vurğulayıb;

"Onlar sadəcə özlərinə atəş açırlar", - Meksika lideri əlavə edib. O, həmçinin qeyd edib ki, tətbiq edilən tariflər Meksikaya ciddi ziyan vuracaq. Onun sözlərinə görə, Meksika bazarında fəaliyyət göstərən bir çox müəssisələr getmək və ya qalmaq barədə qərar vermək məcburiyyətində qalacaqlar. "Ancaq ABŞ-ın hətta kifayət qədər işçi qüvvəsi yoxdur. Orada hər şey daha bahadır və onların enerjisi belə yoxdur".

O, əlavə edib ki, ABŞ hakimiyyətinin Meksikaya qarşı iddialarını həll etmək və problemin danışıqlar yolu ilə həllini tapmaq üçün iki ölkə arasında işçi qrupunun yaradılması təklifi ilə bağlı ABŞ prezidenti Donald Trampın cavabını gözləyir.

Şənbə günü ABŞ prezidenti Donald Tramp Kanada, Çin və Meksikadan gələn mallara gömrük rüsumlarının tətbiq edilməsi haqqında sərəncam imzalayıb. Sənəddə bildirilir ki, Meksika və Kanadadan idxala 25% (Kanada enerji məhsullarına 10%) rüsum tətbiq edilir. Çin mallarına qarşı 10% əlavə tariflər tətbiq edilir. Trampın sözlərinə görə, bu səy ABŞ vətəndaşlarını öldürən “qeyri-qanuni əcnəbilər və narkotiklərin, o cümlədən ölümcül fentanilin yaratdığı fövqəladə təhlükə” səbəbindən edilib.