Türkiyə Prezidenti Rəcəb Tayyib Ərdoğan və Avropa Şurasının sədri Şarl Mişel arasında müzakirələr aparılıb.
“Görüş zamanı Türkiyə ilə Aİ arasında əlaqələr, o cümlədən Türkiyənin Aİ-yə tamhüquqlu üzvlüyü üçün atılması lazım olan addımlar, regional və qlobal məsələlər müzakirə edilib”, - deyə məlumatda bildirilir.

Bundan əvvəl Türkiyənin NATO-dakı keçmiş nümayəndəsi Onur Öymən demişdi ki, onun fikrincə, Ankara və alyansın digər üzvlərinin ona veto qoyması ehtimalı səbəbindən Ermənistanın alyansa qoşulma şansı “son dərəcə aşağıdır”. Onun sözlərinə görə, bugünkü şəraitdə NATO-ya üzvlük mövzusu təşkilatın gündəliyinə daxil edilə bilməz.

Azadmedia.az xatırladır ki, bundan əvvəl Ermənistan parlamentinin üzvü, baş nazir Nikol Paşinyanın partiyasının üzvü və Xarici Əlaqələr Komissiyasının rəhbəri Sarqis Xandanyan ölkənin NATO-ya üzvlüyünün texniki və siyasi baxımdan mümkün olmadığını bildirib.