Rusiya Federasiyası və Azərbaycan prezidentləri Vladimir Putin və İlham Əliyev görüşün ictimai hissəsində tanınmamış Dağlıq Qarabağ Respublikasının keçmiş hökumət başçısı Ruben Vardanyanla bağlı vəziyyəti müzakirə etməyiblər. Bu barədə jurnalistlərə Rusiya prezidentinin mətbuat katibi Dmitri Peskov məlumat verib.

"Xeyr. Təkbətək söhbətin bir hissəsi var idi, kifayət qədər uzun idi. Mən orada nə müzakirə olunduğunu bilmirəm" deyə o, müvafiq suala cavab verdi.

Bundan əlavə, Kreml Bakının İrəvanla sülh müqaviləsinin imzalanması məsələsində mövqeyini “çox konstruktiv” kimi qiymətləndirir, Ermənistandan hələlik heç bir reaksiya verilməyib, Rusiya prezidentinin mətbuat katibi Dmitri Peskov jurnalistlərə bildirib.

"Bakının bu məsələdə çox konstruktiv mövqeyi var, İrəvan hələ tam qərar verməyib, biz reaksiya gözləyirik", - Peskov Bişkekdə jurnalistlərə deyib.

Bu arada Rusiya prezidentinin mətbuat katibi Dmitri Peskov Ermənistanın baş naziri Nikol Paşinyanın MDB-nin Bişkek sammitində iştirak etməməsinə baxmayaraq, Rusiyanın Ermənistanla dialoqunu davam etdirdiyini bildirib.

Onun sözlərinə görə, Azərbaycanın Ermənistanla sülh danışıqlarında mövqeyi konstruktivdir.