Sentyabrın 15-də Azərbaycanda Bilik Günü qeyd olunur.

Yeni tədris ilində 124 min şagird I sinifdə təhsilə başlayır. Ümumilikdə 1,6 milyon şagird ümumi təhsilini davam etdirir.

Yeni tədris ilində şagirdlərin təlim-tərbiyəsi ilə 121 642 müəllim məşğul olacaq.

İlk dərslər “Şəhərsalma və Memarlıq İli”nə həsr ediləcək.

“Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı” çərçivəsində 4 ümumi təhsil müəssisəsi fəaliyyətə başlayır.

Hazırda 550-dən çox təhsil müəssisəsində “Rəqəmsal məktəb” platforması tətbiq olunur.

Bununla yanaşı, 850-dən çox təhsil müəssisəsi yenilənib, 15 təhsil müəssisəsi yeni istifadəyə verilib.