“The Daily Beast” öz mənbələrinə istinadən yazır ki, Bukingem sarayı Kral III Çarlzın ölümü halında yenidən fəal şəkildə plan hazırlayır.
Anonimlik şərti ilə danışan keçmiş əyanlardan biri planın hazırda fəal şəkildə yeniləndiyini təsdiqləyib. Onun sözlərinə görə, monarxın diaqnozu nəzərə alınmaqla, bu gözlənilir.

Başqa bir mənbə qeyd edib ki, kralın dəfn mərasimi ilə bağlı ciddi planlaşdırma Kraliça II Yelizavetanın dəfnindən bir gün sonra başlayıb.

Eyni zamanda, Bukingem Sarayının mətbuat xidməti III Çarlzın bir müddət müalicə olunduqdan və xərçəng xəstəliyindən sağaldıqdan sonra tezliklə dövlət işlərinə qayıdacağını açıqlayıb. Bundan əlavə, kral cütlüyü iyun ayında Yaponiya İmperatoru Naruhito və İmperator Masakonu qəbul edə bilər.
2024-cü ilin əvvəlində məlum oldu ki, Çarlz III-ə xərçəng diaqnozu qoyulub. Kralın ölümü ilə bağlı planın mövcudluğu barədə daha əvvəl Daily Express nəşri məlumat vermişdi. Onların sözlərinə görə, sənəddə monarxın ölümü ilə bağlı ictimaiyyətin necə xəbərdar ediləcəyi və onun ölümündən sonra 10 gün ərzində nələrin baş verəcəyi və tabutun hara çatdırılacağı barədə məlumatlar var.