Sakit okeanda Kuril adaları yaxınlığında 6,0 bal gücündə zəlzələ baş verib. Azadmedia.az xəbər verir ki, bu barədə RİA Novosti-yə Rusiya Elmlər Akademiyasının Vahid Geofizika Xidmətinin ada bölməsindən məlumat verilib.

“Zəlzələnin episentri Kuril adasının Kunaşir adasındakı Qolovnino kəndindən 102 kilometr cənub-qərbdə yerləşib”, - Yujno-Saxalinsk seysmik stansiyasının rəhbəri Yelena Semenova bildirib.

O qeyd edib ki, mənbə 63 km dərinlikdə olub.

Semenova əlavə edib ki, yeraltı təkanlar Qunaşirdə Yujno-Kurilsk vilayət mərkəzində dörd, Şikotan adasındakı Malokurilskoye kəndində isə üç bal gücündə hiss olunub.

Mənbə xatırladır ki, ötən ilin oktyabrında Kuril adalarında 5,4 bal gücündə zəlzələ baş verib.