Helmholtz Əczaçılıq Tədqiqatları İnstitutunun alman alimləri dərman istehsalı üçün yüksək potensiala malik yeni bakteriyalar ailəsi aşkar ediblər. Araşdırma Chem elmi jurnalında dərc olunub.

Aşkar edilmiş Pendulisporaceae adlı mikroorqanizmlər Myxobacteria dəstəsinə aiddir. Onların ştammları Zambiya və Filippində toplanmış torpaq nümunələrindən təcrid edilib. Pendulisporaceae əvvəllər məlum olan bütün miksobakteriyalardan morfoloji cəhətdən fərqlənir və tədqiqatçıların əvvəllər başqa bir bakteriya cinsi olan Streptomycetes-də tanıdığı sporulyasiya davranışı ilə xarakterizə olunur.

Genetik analizdən istifadə edərək, tədqiqatçılar yeni bakteriya ailəsinin əczaçılıqda istifadə olunan təbii aktiv maddələrin istehsalı üçün böyük potensiala malik olduğunu aşkar etdilər.

Mikrobioloqlar artıq bakterial və göbələk patogenləri ilə mübarizədə effektivlik nümayiş etdirən molekulları mikroblardan təcrid etməyi bacarıb, həmçinin bəzi virusları sıxışdıra biliblər.