Raisi gələn helikopter Culfa yaxınlığında qəzaya uğrayıb.
İranın daxili işlər naziri bildirib ki, xilasetmə qrupları hələ hadisə yerinə gəlməyib.

* * * 17:35

Şərqi Azərbaycan əyalətinin səlahiyyətliləri prezident İbrahim Rəisini daşıyan helikopterin qəzaya uğraması nəticəsində “mümkün ölənlər və yaralananlar” barədə hələlik məlumat verə bilmədiklərini bildiriblər. Bu barədə “Anadolu” xəbər verir.



* * * 17:28

Tasnim agentliyi xəbər verir ki, İran prezidenti İbrahim Rəisinin helikopterinin göyərtəsində olan rəsmi şəxslə əlaqə saxlamaq mümkün olub və itkilərin olmadığına ümid var.

Helikopterin meşəlik əraziyə düşdüyü bildirilir. Qəzaya uğrayan helikopteri axtarmaq üçün havaya pilotsuz təyyarələr göndərilib.



* * * 17:12

İran prezidenti İbrahim Rəisini daşıyan helikopter Tehrandan təxminən 375 mil şimal-qərbdə, İran-Azərbaycan sərhədində yerləşən Culfa şəhəri yaxınlığında qəzaya uğrayıb.

Dünya xəbər agentliklərinin verdiyi məlumata görə, fəlakətə səbəb dumanlı hava olub. Hadisə yerinə çoxlu sayda xilasedicinin göndərildiyi qeyd edilir. İranın rəsmi mənbələri hələlik bu xəbəri nə təsdiq, nə də təkzib ediblər.

Helikopterdə olanların telefon nömrələri mövcud deyil, lakin hadisədən bir neçə dəqiqə sonra bəziləri Təbrizdəki Cümə məscidinin imamı ilə əlaqə saxlamağa müvəffəq olub. Helikopterdə 13 nəfərin olduğu bildirilir.

İran mediası yazır ki, prezidentin yoldaşları ilə söhbət zamanı təcili yardım maşınının səsi və qışqırıq səsləri eşidilib. Zəng bir neçə saniyədən sonra kəsildi və mobil telefon artıq mövcud deyil.

Qızıl Aypara İran prezidentini daşıyan helikopterin sərt eniş yerinə öz xilasetmə qruplarını və dronları göndərib, İran SNN yazır.
Qeyd: Məqalə haqqın.az-dan götürülüb